Ikipe ya Liverpool yatangiye ibiganiro n'umutoza  Arne Slot , umuholandi utoza ikipe ya Feynoord, ngo abasimburire umudage Jurgen Klopp ,wamaze gutangaza ko azava muri iyi kipe nyuma yuyu mwaka w'imikino.

Taliki ya 26 Mutarama 2024 nibwo umudage Jürgen Klopp ,yatangaje ko umwaka w'imikino nurangira azava muri Liverpool akajya kuruhuka , nyuma y'imyaka 8 muri iyi kipe , benshi mu bafana ba Liverpool baratunguwe , gusa batangira kwibaza uwasimbura uyu mugabo , havuzwe benshi, ariko kuri ubu ugezweho ni umuholandi Arne Slot utoza Feynoord .

Arne Slot umutoza wa Feynoord ubu niwe uri mu biganiro na Liverpool 

Nkuko ikinyamakuru Sky Sports cyabitangaje , ngo ikipe ya Liverpool yamaze gutangira ibiganiro nuyu mugabo wimyaka 45, ndetse ngo barifuza ko ibiganiro byakwihuta , umwaka w'imikino ugasozwa baramaze kumvikana , Arne Slot yatangiye umwuga wo gutoza muri 2016,ubwo yasigaranaga ikipe ya Cambuur umutoza mukuru amaze kwirukanwa, muri 2017 yavuye muri iyi kipe , asubira mukazi muri 2019 ubwo yahabwaga gutoza ikipe ya AZ Alkmaar nayo yo mu Buholandi.

Kuva muri 2021 uyu mutoza ari mu ikipe ya Feynoord, akaba yarayihesheje igikombe cya shampiyona mu mwaka wa 2022-2023 , kuri ubu ikaba iri ku mwanya wa 2 muri Shampiyona irushwa amanota 9 n'ikipe ya mbere mu gihe hasigaye imikino 4 ngo Shampiyona irangire, Liverpool yavuzwemo abatoza benshi , gusa birasa naho Arne Slot ariwe ugiye kwegukana umwanya wo gusimbura Jürgen Klopp.

Nyuma yuko Jürgen Klopp asezeye Liverpool hakomeje gushakwa umusimbura we