1. Home
  2. Imikino
  3. FOOTBALL

Brazil yakatishije itike y'igikombe cy'Isi cya 2026 nyuma yo gutsinda Paraguay

Yanditswe na: DUSHIMIMANA Elias 2025-06-11 06:43:14 Imikino

Mu rukerera rwo kuri uyu wa Gatatu tariki ya 11 Kamena 2025, Ni bwo ikipe y'Igihugu ya Brazil yatsinze Paraguay igitego 1-0 cya Vinicius Junior ku munota wa 44 bituma ikatisha itike y'igikombe cy'Isi cya 2026 kizabera muri Leta Zunze Ubumwe za Amerika, Canada na  Mexico.

Brazil yahise iba ikipe ya 12 ikatishije itike y'Igikombe cy'Isi cya 2026 aho yiyongereye ku yandi arimo Ubuyapani, New Zealand, Iran, Argentine, Uzbekistan, Korea y'Epfo, Jordan na Australia na Ecuador.

Kugeza ubu hasigaye amakipe 35 kugira ngo amakipe yose azitabira imikino y'igikombe cy'Isi cya 2026 yuzure.

Ni ku nshuro ya 23  Brazil igiye gukina igikombe cy'Isi yikurikiranya aho ari nayo kipe y'igihugu ya mbere imaze kwitabira ibikombe by'Isi byinshi. Hakurikiraho u Budage bumaze kwitabira inshuro 20, Argentine inshuro 19 ndetse n'u Butaliyani bumaze kwitabira inshuro 18.

Vinicius Junior nyuma yo gutsinda igitego cyahesheje Brazil itike y'Igikombe cy'Isi cya 2026

Related Post