Yanditswe na: TUYIZERE Mubaraka
12/03/2026 13:22
Ishyirahamwe ry'umupira w'amaguru mu Rwanda "FERWAFA" , ryemeje ko umwongereza Stephen Constantine , ariwe mutoza mushya w'ikipe y'igihugu y'u Rwanda Amavubi.
Kuri uyu wa kane taliki ya 12 Werurwe , nibwo FERWAFA yemeje ko uyu mugabo w'imyaka 63, yagizwe umutoza w'ikipe y'igihugu, akaba agomba gutangira akazi mu buryo bwihuse, kuko mu minsi 14 gusa u Rwanda ruzakina imikino ya FIFA Series, izanabera mu Rwanda.
Uyu mutoza yatoranyijwe mu batoza 688, bari basabye aka kazi, akaba agarutse mu ikipe y'igihugu Amavubi, nyuma y'imyaka 11 ayivuyemo , muri 2014 nibwo yari yahawe gutoza u Rwanda, ariko nyuma y'amezi 6 yegura kuri uzo nshingano, nyuma yuko yavugaga ko ubuyobozi bwa FERWAFA bwamunanije.
Itangazo rya FERWAFA ryemeza umutoza Stephen constantine
Constantine ni umwe mu batoza bacye baheruka kugirana ibihe by'iza n'ikipe y'igihugu y'u Rwanda, kuko ubwo yasezeraga , yari yarayifashije kugera ku mwanya wa 64 ku isi ku rutonde ngaruka kwezi rwa FIFA , umwanya mwiza mu mateka u Rwanda rwagize .
Stephen Constantine ubu niwe mutoza mushya w'ikipe y'igihugu Amavubi
