• Papa Léon XIV yizihije Pasika ye ya mbere akora inzira y’umusaraba I Roma

Ku wa Gatanu Mutagatifu we wa mbere nk’umupapa, Papa Leo XIV, yakoze inzira y’umusaba  afite umusaraba w’imbaho maze anyura mu byiciro 14 by’inzira y’umusaraba (Via Crucis) ku Colosseum i Roma, igikorwa kitakozwe n’umupapa mu myaka myinshi.

Iki gikorwa ni igice cy’ibirori bya Pasika, aho abakirisitu bibuka imibabaro n’urupfu rwa Yezu Kristu mbere y’izuka rye. Buri cyiciro cy’inzira y’umusaraba gisobanura igice cy’umubabaro Yezu yanyuzemo kuva yakatiwe urupfu kugeza ashyinguwe.

Ku wa Gatanu Mutagatifu, igikorwa cya Léon XIV cyari cyihariye, kuko atandukanye n’abandi bapapa bagenzi be bari basanzwe bareka umusaraba wambikwa abandi bagakora isengesho ridafite umusaraba. Uyu mupapa yasobanuye ko iyi gahunda igamije gutanga ubutumwa bw’urukundo, imbabazi n’ubwiyunge mu gihe isi ikomeje guhura n’ibibazo by’intambara n’amakimbirane.

Abakirisitu benshi bitabiriye iki gikorwa ku Colisée, bitwaje amatara n’utubuto tw’amasengesho, bakurikira buri cyiciro cy’inzira y’umusaraba mu ituze no mu ireme ry’iyubaha.

Mu butumwa bwe, Pope Leo XIV yasabye abakirisitu ku isi yose gukomeza gusenga, kurangwa n’urukundo n’amahoro, ndetse no gufasha abakene n’abababaye mu gihe cy’amakimbirane.

Iki gikorwa cyatangije urukurikirane rw’ibirori bya Pasika bya 2026, birimo misa y’ijoro rya Pasika ndetse n’umunsi mukuru w’izuka rya Yezu Kristu.

Abasesenguzi bavuga ko ibikorwa bya Léon XIV bishobora kongera imbaraga mu kwibuka no gukangurira abakirisitu gukomeza kugendera ku mahame y’iyobokamana n’ukwemera kwa gikristu.

mateka y’inzira y’umusaraba ku Colisée: Abapapa kuva kuri Jean-Paul II kugeza kuri Léon XIV

Inzira y’umusaraba ku Colosseum ni umuhango w’ingenzi mu kwizihiza Pasika. Uyu muhango wagiye ukorwa n’abapapa batandukanye mu bihe bitandukanye, buri umwe agira umwihariko we:

Jean-Paul II yatangiye kuzitira umusaraba kuva ku wa Gatanu Mutagatifu we wa mbere mu 1979, akawutwara mu nzira yose kugeza igihe yagiriye operation ku mavi mu 1995. Nyuma y’iyi operation, yatangiraga gutwara umusaraba gusa mu gice cy’inzira.

Benoît XVI mu myaka ibiri ya mbere y’ubupapa bwe, yatwaraga umusaraba ku cyiciro cya mbere imbere mu Colisée, hanyuma akurikira abandi batwara umusaraba mu nzira yose kugeza ku ntera y’ubutaka bwa Palatin.

Papa François ntiyigeze atwara umusaraba, ariko yitabiriye urugendo rwose kugeza igihe ubuzima bwe bwagabanukaga. Yitabye Imana nyuma y’indwara ndende ku wa Pasika w’umwaka ushize, tariki ya 21 Mata.

Léon XIV, ku wa Gatanu Mutagatifu we wa mbere mu 2026, yambaye umusaraba w’imbaho anyura mu byiciro 14 by’inzira y’umusaraba ku Colisée, igikorwa kitakozwe n’umupapa mu myaka myinshi. Uyu muhango witabiriwe n’abakirisitu barenga 30.000, bakurikira buri cyiciro cy’inzira y’umusaraba cyasomwe n’ibyuma by’amajwi (haut-parleurs).

Uyu muhango wa Léon XIV urangira urukurikirane rw’ibirori bya Pasika, birimo misa y’ijoro rya Pasika ndetse n’umunsi mukuru w’izuka rya Yezu Kristu, bikaba ari uburyo bwo kwibuka imibabaro n’urupfu rwa Yezu ndetse no guha abakirisitu ubutumwa bw’urukundo n’amahoro.

Iki gikorwa cy’umwihariko cyerekana ukuntu umupapa ari igicumbi mu kwibuka no gukangurira abakirisitu gukomeza gukurikira inzira y’umusaraba, kimwe n’ukuntu amateka y’iki gikorwa ku Colisée ahuza abapapa benshi mu myaka irenga 40.

 

Like This Post?

• Share On:

Related Posts

---