Yanditswe na: NSANZABERA Jean Paul
24/04/2026 10:57
Amakipe ya
APR VC, Police VC na Kepler VC ahagarariye u Rwanda yitwaye neza mu mikino yayo
ya mbere muri Shampiyona Nyafurika y?Abagabo muri Volleyball, CAVB Men?s Club
Championship 2026, REG VC yo ntiyahirwa.
Iyi mikino
yatangiye ku wa Gatatu tariki ya 22 Mata 2026, ndetse APR VC ari na yo
yakiriye irushanwa ni yo yabimburiye izindi, mu mukino yahuriyemo na Black
Rhinos VC, iyitsinda amaseti 3-0 (25-18, 25-10, 25-11) ihirwa ityo
n’umunsi wa Mbere.
Kuri uyu wa
Kane tariki ya 23 Mata 2026, mu mikino 11 yakinwe harimo itatu y’amakipe na yo
ahagarariye u Rwanda, Police VC, Kepler VC, na REG VC. Uretse REG VC
yaguye munsi y’urugo, andi abiri yitwaye neza muri iyi mikino yebereye muri
Petit Stade no muri BK Arena.
Police VC
yatsinze Prisons VC yo muri Tanzania amaseti 3-0 (25-15, 25-18, 25-17) mu
mukino wabereye muri BK Arena mu gihe Kepler VC yatsindiye AS INJS yo muri Côte
d’Ivoire amaseti 3-0 (25-20, 25-16, 25-21) muri Petit Stade.
REG VC, na
yo ihagarariye u Rwanda, ntiyahiriwe kuko yatsinzwe na Port Autonome de Douala
yo muri Cameroon amaseti 3-0 (26-24, 25-23, 25-23).
Mu yindi
mikino yakinwe, uwari witezwe cyane ni uwa Al Ahly SC yo mu Misiri,
yegukanye iri rushanwa inshuro nyinshi [16]. Iyi kipe y’ibigwi yatsinze
biyoroheye Cameroun Sports Volleyball amaseti 3-0 (21-11, 25-16, 25-11),
itangira neza iri rushanwa, riri kuba ku nshuro ya 47.
Shampiyona
Nyafurika y?Abagabo muri Volleyball (CAVB Men?s Club Championship 2026),
irakomeza kuri uyu wa Gatanu, tariki ya 24 Mata 2026, hakinwa imikino y’umunsi
wa kabiri mu y’amatsinda.
Mu makipe
ane ahagarariye u Rwanda, REG irazibimburira yakira Rukinzo VC y’i Burundi saa
16:00 muri BK Arena, ahahita hanabera uwa Police VC na Faith Union yo muri
Maroc saa 18:00.
Ni mu gihe
APR VC icakirana na LITTO Team yo muri Cameroon, saa 20:00 muri BK Arena,
Kepler VC yo igakinira muri Petit Stade na Sports-S yo muri Uganda saa 20:00.
