Yanditswe na: NSANZABERA Jean Paul
26/04/2026 13:30
Shampiyona
nyafurika y?amakipe y?abagabo muri Volleyball (CAVB Men?s Club Championship
2026) yakomeje kuri uyu wa Gatandatu, tariki ya 25 Mata 2026, hakinwa imikino
12 y’umunsi wa gatatu, wasize amakipe ane ahagarariye u Rwanda yose yitwaye
neza.
Muri iyi
mikino yabereye muri BK Arena, Police VC yatsinze Wolaitta Volleyball yo muri
Ethiopia amaseti 3-0 (25-19, 25-20, 25-22), REG VC itsinda General Service Unit
Volleyball Club yo muri Kenya amaseti 3-1 (25-22, 25-22, 23-25, 28-26.
Ni mu gihe
Kepler VC yatsinze Cameroun Sports Volleyball amaseti 3-1 (25-21, 25-21, 26-28,
25-22), APR VC ihatsinda Nemo Stars yo muri Uganda amaseti 3-0 (25-20, 25-23, 27-25).
Usibye REG
VC imaze gutsinda imikino ibiri muri itatu yakinnye, andi makipe ahagarariye u
Rwanda amaze kubona intsinzi eshatu mu gihe asigaje ibiri ngo asoze
iy’amatsinda.
Muri iri
rushanwa riri gukinwa ku nshuro ya 47, Al Ahly iyoboye amakipe ahabwa amahirwe
yo kuryegukana, ndetse ni yo imaze kuritwara inshuro nyinshi [16] mu mateka.
Iyi kipe,
yatsinze biyoroheye SPORT-S yo muri Uganda amaseti 3-0 (21-25, 10-25, 22-25),
yuzuza intsinzi eshatu mu mikino itatu imaze gukina.
CAVB Men?s
Club Championship 2026 irakomeza kuri iki Cyumweru tariki ya 26 Mata 2026,
hakinwa umunsi wa kane wo mu matsinda.
Amakipe y’u Rwanda arakinira imikino yayo muri BK Arena aho Kepler VC ikina na Al Ahly saa kumi, Police VC igakina na Ghana Army saa munani, REG VC yo igahura na Atlético Clube Do Mindelo saa kumi n’ebyiri mu gihe APR VC icakirana na Nigeria Customs Service saa mbiri z’ijoro.
