• Afurika y’epfo yatangaje ko ishyikiye gahunda y’amatora muri Sudan y’Epfo

Perezida wa Afurika y’Epfo, Cyril Ramaphosa, ku wa Gatatu yagiranye ibiganiro na Perezida wa Sudani y’Epfo, Salva Kiir Mayardit, mu murwa mukuru wa Afurika y’Epfo, Tshwane.

Ibiganiro byibanze ku myiteguro y’amatora ateganyijwe ku wa 22 Ukuboza muri Sudani y’Epfo, ndetse n’inzira y’amahoro ikomeje kuba iy’amajonjora muri icyo gihugu.

Iyi nama yabaye nyuma y’iminsi mike Perezida Ramaphosa, uri  mu nshingano ze nka Perezida wa Komite yihariye yo ku rwego rwo hejuru y’Umuryango wa Afurika Yunze Ubumwe ishinzwe Sudani y’Epfo, ayoboye ibiganiro byahuje abayobozi bo mu karere, bigamije gusuzuma niba icyo gihugu cyiteguye gukora amatora ateganyijwe.

Mu biganiro by’abayobozi bombi, hanaganiriwe ku ishyirwa mu bikorwa ry’Amasezerano y’Amahoro yavuguruwe yo mu 2018, ibiganiro bya politiki ndetse n’imyiteguro y’amatora.

Afurika y’Epfo yemeye gutanga ubufasha mu nzira y’amatora muri Sudani y’Epfo, mu rwego rwo gufasha igihugu kugera ku matora azaba mu mucyo kandi yizewe.

Perezida Ramaphosa yasabye Sudani y’Epfo gukemura ibibazo bya politiki, umutekano n’ibijyanye n’imitegurire y’amatora bikiriho, kugira ngo amatora azabashe gukorwa mu mutuzo, yizewe kandi yitabiriwe n’impande zitandukanye.

Ibiganiro hagati y’abayobozi bombi bikomeje kuba ingenzi mu gihe Sudani y’Epfo iharanira gukomeza inzira y’amahoro no gutegura amatora ateganyijwe mu mpera z’uyu mwaka

Like This Post?

• Share On:

Related Posts

---