• Imikino /

Kuri  uyu wa gatanu tariki  ya 09 Ukwakira 2026 ku bibuga bya IPRC Kicukiro  hatangijwe imikino ihuriza hamwe abakozi b’akarere ka Kicukio kuva  ku rwego rw’akagali kugeza ku bakorera ku cyicaro cy’Akarere mu rwego rwo kwimakaza Ubumwe n’Ubudaheranwa bw’Abanyarwanda no kurushaho guteza imbere umuco w’ubufatanye mu kazi.

Aya marushanwa yatangiye uyu  wa gatantu yatangijwe  Umuyobozi Nshingwabikorwa w’Akarere ka Kicukiro ni Bwana Mutsinzi Antoine akaba agamije guha abakozi b’Akarere umwanya wo gusabana, kumenyana no gukomeza kubaka imikoranire myiza ibafasha gusohoza neza inshingano zabo zo gukorera abaturage.

Binyuze mu mikino itandukanye, abakozi bazagira amahirwe yo guhurira mu bikorwa by’imyidagaduro n’imikino, bigamije kubongerera ubushuti, kubaka icyizere hagati yabo no gushimangira ko ubufatanye ari imwe mu nkingi z’ingenzi zituma imirimo ikorwa neza.

Nkuko  yatwangajwe n’ Umuyobozi Nshingwabikorwa w’Akarere ka Kicukiro ni Bwana Mutsinzi Antoine imikino ni kimwe mu bikorwa bishobora guhuza abantu bafite inshingano zitandukanye, bakarushaho kumenyana no gusangira intego imwe. Ku bakozi b’Akarere ka Kicukiro, aya marushanwa ni umwanya wo gukomeza gutsura umubano hagati y’abakorera mu nzego zitandukanye, kuva ku rwego rw’Akagari kugeza ku cyicaro cy’Akarere.

Ni kandi uburyo bwo kwimakaza indangagaciro z’Ubumwe n’Ubudaheranwa bw’Abanyarwanda, hibandwa ku bufatanye, kubahana, gushyigikirana no guharanira kugera ku ntego rusange.

Ubudaheranwa ni imwe mu ndangagaciro zigaragaza ubushobozi bw’Abanyarwanda bwo kwikura mu bibazo, gukomeza kwiyubaka no guharanira iterambere, nubwo bahura n’imbogamizi zitandukanye.

Mu rwego rw’akazi, izi ndangagaciro zigaragarira mu gukorera hamwe, gushakira ibisubizo ibibazo bihari no gushyira imbere inyungu z’abaturage.

 

Nk’uko biteganyijwe, aya marushanwa azasozwa ku wa 30 Ukwakira 2026, ari na bwo hazaba umuhango wo gusoza Ukwezi kwahariwe Ubumwe n’Ubudaheranwa bw’Abanyarwanda.

Muri uwo muhango kandi, hazatangwa ibihembo ku makipe azaba yitwaye neza, hagamijwe gushimira abakoze ibishoboka byose kugira ngo bagaragaze ubushobozi, ubwitange n’umwuka mwiza w’amarushanwa.

Ibihembo bizaba umwanya wo gushimira amakipe azaba yagaragaje umusaruro mwiza, ariko intego nyamukuru y’aya marushanwa ikaba ari ugukomeza kubaka ubumwe, ubufatanye n’imikoranire myiza hagati y’abakozi.

Aya marushanwa aje ashimangira akamaro ko guhuza ibikorwa by’akazi n’ibikorwa biteza imbere imibanire myiza, kuko umubano mwiza hagati y’abakozi ushobora kugira uruhare mu kunoza imikorere no kongera ubushake bwo gukorera hamwe.

Biteganyijwe ko binyuze muri aya marushanwa, abakozi b’Akarere ka Kicukiro bazakomeza gusangira ubunararibonye, kwimakaza umuco wo gufashanya no gushimangira ko buri wese afite uruhare mu kubaka umuryango nyarwanda urangwa n’ubumwe n’ubudahangarwa.

 






Like This Post? Related Posts
Andika igitekerezo
Recent Comments