Yanditswe na: NSENGIYUMVA J Damascene
29/10/2026 16:13
Bamwe mu baturage bo mu Karere ka Rusizi batujwe na Leta mu midugudu y’icyitegererezo nyuma yo kwimurwa mu mazu yari ashaje kandi ashobora kubagwaho, bavuga ko bahangayikishijwe n’ikibazo cy’inzara bahura na cyo kubera kuba kure y’imirima yabo.
Aba baturage bavuga ko mbere yo kwimurwa babonaga umusaruro w’ibyo
bahingaga mu masambu yabo, ukabafasha kubona ibibatunga. Icyakora, nyuma yo
gutuzwa mu midugudu y’icyitegererezo, bavuga ko bagorwa no gukomeza ubuhinzi
kuko batujwe kure y’aho bahingaga.
Bavuga kandi ko aho batujwe nta masambu bahawe yo guhingamo,
bikarushaho kubagora kubona ibiribwa bihagije byo gutunga imiryango yabo.
Aba baturage barasaba inzego bireba kubashakira igisubizo
kirambye, kirimo kubafasha kubona ubutaka bwo guhingaho cyangwa ubundi buryo
bwabafasha kubona ibibatunga no kwiteza imbere.
Bashimangira ko nubwo kwimurwa mu mazu yari ashaje byari bigamije kubarinda ibyago, hakenewe no kurebwa uburyo bwo kubafasha kubona imibereho iboneye aho batujwe.
Umuyobozi w'akarere ka Rusizi wungirije ushinzwe iterambere ry'ubukungu avuga ko batazongera kubakira abaturage kure y'amasambu yabo.
Ibindi birebe muri iyi Video
