Yanditswe na: NSANZABERA Jean Paul
27/10/2025 11:59
Perezida Donald Trump
ari gukorera ingendo muri Aziya mu bihugu birimo Malaysia, Ubuyapani na Koreya
y'Epfo.
Perezida wa Leta Zunze Ubumwe z'Amerika
Donald Trump yageze I Tokyo mu murwa mukuru w'Ubuyapani aho ari kugirira
uruzinduko.
Ni
urugendo rwamaze amasaha 6 ava ku kibuga mpuzamahanga cy'indege cya Kuala Lumpur
muri Malaysia aho yari ku Cyumweru mu ruzinduko rw'akazi.
Kuri
gahunda ya Trump afite kuganira n'umwami w'abami w'Ubuyapani Naruhito
baherukaga guhura mu 2019. Azanasura ibirindiro by'ingabo z'Amerika zirwanira
mu mazi, anateganya guhura n'abakire,abacuruzi n'abavuga rikijyana bo mu
Buyapani.
Ku wa 28
Ukwakira 2025 Trump azaganira na Sanae Takaichi, Minisitiri w’Intebe w'umugore
watowe bwa mbere mu mateka y'Ubuyapani. Uruzinduko rwe mu Buyapani
azarusoza ku wa 29 Ukwakira 2025 yerekeza muri Koreya y'Epfo.
Uruzinduko rwa
Trump muri Malaysia rwatanze umusaruro kuko Thailand na Cambodge basinye
amasezerano yo guhosha intambara y'imipaka yamaze iminsi 5 muri Nyakanga 2025.
Perezida Trump
yanasinye amasezerano na Thailand, Cambodge na Malaysia yo gucuruza amabuye
y'agaciro.
Like This Post? Related Posts
