• Abaraperi bazaririmba mu gitaramo cy’icyumba cya Rap basuye ikigo cy’ muryango 'Indaro'

Abaraperi bazatarama mu gitaramo kitwa icyumba cya Rap basuye abana bo mu muryango 'Indaro' washinzwe na Eric Cyubahiro wakuriye kuri Maison des Jeunes Kimisaga.

Ku wa 30 Ugushyingo 2025 nibwo abaraperi barimo Zeo Trap wakuriye Kimisagara,Riderman nawe niho yakuriye na Jay C wabaye mu kigo cy'imfubyi I Gikondo basuye abana bafashwa n'uwo muryango.

Bull Dog wavuze mu mwanya wa bagenzi be,yahaye impanuro zirimo gukunda igihugu, Imana no kurangwa n'ikinyabupfura.

Yabijeje ko abafite impano muri bo bazabakorera ubuvugizi. Ni mu gihe Zeo Trap yababwiye ko aho bari nawe mu myaka yatambutse yari ahicaye ababwira ko ejo ari heza.

Ku rundi ruhande Jay C yafashe umwanya ababwira ko yakuriye mu buzima nk'ubwo bari guacamole bityo bakwiriye kumva ko ejo habo ari heza. Umuryango Indaro ufasha abana 250 bitabwaho buri munsi.

Ma Africa itegura uruhererekane rw'ibitaramo Icyumba cya Rap, yijeje abafite impano muri abo bana ko bazahabwa umwanya bakiyerekana.

Igitaramo kizaba ku wa 26 Ukuboza 2025 muri Zaria Court iherereye I Remera mu mujyi wa Kigali. 

 

Like This Post?

• Share On:

Related Posts

---