• Bebe Cool yahishuye ibibazo abakoresha Imbuga za Tik Tok na youtube muri Uganda

Uruganda rw’abakora ibiganiro  kuri murandasi muri Uganda ruri gutera imbere cyane, aho abakoresha TikTok n’abakora YouTube bagira uruhare runini mu biganiro n’ibitekerezo bigaragara kuri murandasi ndetse no mu gutanga icyerekezo cy’ibitekerezo by’abantu.

Icyakora, uku kwiyongera kw’uruhare rw’abakora ibiganiro kuri murandasi kwajyanye n’imbogamizi zitandukanye, cyane cyane amakimbirane n’amategeko, aho abakora ibiganiro benshi batawe muri yombi bashinjwa ihohoterwa rikorwa kuri murandasi n’itangazwa ry’ibirimo bishobora guteza ingaruka mbi, hashingiwe ku itegeko rya Computer Misuse Act.

Umuhanzi Bebe Cool, wigeze kugaragara mu manza zitandukanye zijyanye n’abakora ibigaragaro kuri murandasi, yatangaje ko Guverinoma ya Uganda iri gutegura gahunda yo gutanga impushya (licences) ku bakora ibiganiro ku mbuga zitandukanye.

Mu kiganiro yagiranye na podcast yo muri Uganda, Bebe Cool yavuze ko abakoresha YouTube na TikTok bazasabwa kugira impushya zemewe n’amategeko kugira ngo bemererwe gukorera mu gihugu mu buryo bwemewe.

Yagize ati:

“Ndashaka gusaba abakoresha TikTok n’abakora YouTube kubaha abandi no kuvuga ibintu bifite ishingiro, kuko mu gihe gito Guverinoma izatangira gutanga impushya zo gukorera kuri murandasi. Muzasabwa kwitwararika cyane amategeko, kuko mutabikoze impushya zanyu zishobora kwamburwa.”

Bebe Cool yemeza ko gushyira amategeko n’amabwiriza ku mbuga za murandasi bizafasha kugabanya amagambo asesereza, amakuru atari yo n’ihohoterwa rikorwa kuri internet, bityo bigateza imbere ibiganiro bakora  ndetse   banakore kinyamwuga

Iyi nkuru yatumye abakorera kuri murandasi benshi bahise batangira gutanga  ibitekerezo bitandukanye, aho bamwe mu bakora ibyo biganiro bagaragaje impungenge ko bishobora kugabanya ubwisanzure bwabo, mu gihe abandi babyakiriye neza bavuga ko ari intambwe izafasha gushyira umwuga mu byo bakora.

 

Like This Post?

• Share On:

Related Posts

---