• Nigeria: Abakirisitu 89 bari barashimuswe bararekuwe

Abakirisitu 89 ba nyuma bari barafashwe bugwate nyuma y’uko imitwe  y’abagizi ba nabi iteye amatorero atatu mu majyaruguru ya Nigeria hagati muri Mutarama, barekuwe ku wa Kane.

Aba bakirisitu, bari bambaye imyambaro y’umuhondo, bageze mu modoka rusange yari iherekejwe n’inzego z’umutekano, bakirwa na Guverineri w’intara ya Kaduna, Uba Sani.

Guverineri Uba Sani yagize ati: “Nishimiye gutangaza ko bose basuzumwe n’abaganga bakemeza ko bameze neza, bose basubiye mu ngo zabo.

Mu bantu 172, nk’uko mubizi, abarenga 83 basubiye iwabo mu minsi itatu ishize , naho 89 bakaba bararokowe ejo hashize cyangwa mu gitondo cyo kuri uyu munsi.”

Iri shimutwa ryabaye ku wa 18 Mutarama, mu gihe cy’igitambo cya misa yo ku Cyumweru, mu mudugudu wa Kurmin Wali uherereye mu karere ka Kajuru, gatuwe cyane n’abakirisitu.

Ibyerekeye uko barekuwe ntibyatangajwe ku mugaragaro. Nubwo gutanga ingurane  bitemewe n’amategeko muri Nigeria, guverinoma ikunze gukekwaho kubikoresha kenshi mu buryo butavugwa.

Like This Post?

• Share On:

Related Posts

---