• Ruhango: Batatu bafunzwe by’agateganyo bakekwaho uruhare mu gusambanya abanyeshuri

Urukiko rw’Ibanze rwa Ruhango rwategetse ko abantu batatu bakekwaho kugira uruhare mu gusambanya abanyeshuri bafungwa by’agateganyo iminsi 30, mu gihe iperereza rikomeje.

Ibyaha bakekwaho byabaye muri Nyakanga 2026, ubwo umwe mu banyeshuri biga mu mashuri yisumbuye mu Karere ka Nyanza yateguraga ibirori byo kwizihiza isabukuru y’amavuko, agat?ira bagenzi be.

Ibyo birori byabereye mu Kagari ka Butansinda, Umurenge wa Kigoma, mu Karere ka Nyanza. Amakuru avuga ko muri ibyo birori abanyeshuri banyoye inzoga zirimo izwi nka “Ibyuma”, barabyina ndetse bamwe muri bo bagasambanya bagenzi babo.

Nyuma y’uko basubiye mu miryango yabo, ababyeyi bamenye amakuru y’ibyabaye maze batanga ikirego mu Rwego rw’Igihugu rw’Ubugenzacyaha (RIB).

Mu iperereza ry’ibanze, haje gutabwa muri yombi abantu batatu barimo nyina w’umunyeshuri wari wateguye ibirori, uwo munyeshuri ndetse n’undi munyeshuri witabiriye ibyo birori, ukekwaho kugira uruhare mu gusambanya bamwe mu banyeshuri.

Ubushinjacyaha bwabagejeje imbere y’Urukiko rw’Ibanze rwa Ruhango, aho bose bahakanye ibyo baregwa.

Nyuma yo kuburana, urukiko rwanzuye ko hari impamvu zikomeye zituma bakekwaho ibyaha bashinjwa, maze rutegeka ko bakurikiranwa bafunze iminsi 30 y’agateganyo.

Icyemezo cy’urukiko ntigisobanura ko abaregwa bahamwe n’icyaha; bakomeza gufatwa nk’abatariho icyaha kugeza igihe urukiko ruzagifataho icyemezo cya nyuma.

Like This Post?

• Share On:

Related Posts

---