Yanditswe na: NSANZABERA Jean Paul
09/09/2026 13:41
Abanyarwanda
barimo umuhanzikazi Butera Knowless, Mutesi Jolly, Sherrie Silver na Clapton
Kibonge bashyizwe mu bahataniye ibihembo bya Zikomo Africa & Caribbean
bizatangirwa i Dar es Salaam muri Tanzania tariki 9 Ukuboza 2026.
Butera
Knowless ahatanye mu cyiciro cy’indirimbo ifite amashusho meza y’umwaka (Best
Zikomo Music Video of the Year) abikesha indirimbo ye ‘Ntacyo’ yasohotse mu
Ukuboza umwaka ushize, igakorwa na Meddy Saleh mu buryo bw’amashusho yafatiwe i
Dar es Salaam muri Tanzania.
Mutesi Jolly
wabaye Nyampinga w’u Rwanda muri 2016 ahatanye mu byiciro bibiri harimo
icy’umuntu utera abandi umwete (Best Zikomo inspirational personality of the
year) n’icy’icyamamare cyambara neza (Best Zikomo fashionable celebrity of the
year).
Sherrie
Silver nawe ahatanye mu byiciro bibiri muri ibi bihembo harimo icy’umugore
wakoze impinduka (Best Zikomo impact woman of the year) ndetse n’icy’umuhanzi
w’imbyino mwiza w’umwaka (Best Zikomo Choreographer of the year).
Clapton
Kibonge usanzwe umenyerewe muri sinema n’urwenya, ahatanye mu cyiciro
cy’abashabitsi bo ku mbuga nkoranyambaga muri Afurika y’Iburasirazuba (Best
Zikomo Content Creator East Africa of the year).
Zikomo
Africa & Caribbean Awards ni ibihembo ngarukamwaka bitegurwa na Zikomo
Awards Organization yo muri Zambia, bikaba bitangwa hagamijwe kwizihiza no
guteza imbere impano zidasanzwe z’Abanyafurika.
Mu birori
by’uyu mwaka hazatangwa ibihembo 90 biri mu bisata 7 bitandukanye harimo
umuziki, sinema na televiziyo, itangazamakuru, imideri, ishoramari, ubuvanganzo,
ubuyobozi no gukora impinduka.
Amatora yatangiye tariki 5 Nzeri, akazasozwa tariki 30 Ukwakira 2026 mbere y’uko umunsi nyirizina w’ibirori byo gutanga ibihembo uba.
