Yanditswe na: NSENGIYUMVA J Damascene
22/09/2026 23:30
Bamwe mu baturage batujwe na Leta mu Mudugudu wa Turambi, Akagari ka Turambi, Umurenge wa Giheke mu Karere ka Rusizi, bavuga ko bahangayikishijwe n’ishyamba riri hafi y’amazu batuyemo, kuko ngo ribateza ibibazo cyane cyane mu gihe cy’imvura.
Aba baturage bavuga ko ibiti biri
hafi y’amazu yabo bishobora kugwa mu gihe cy’imvura n’umuyaga, bigateza ubwoba
ndetse rimwe na rimwe bigasenya amazu.
Ikindi kibazo bavuga ko bahura na
cyo ni umwijima ukabije mu masaha y’ijoro, bitewe n’uko iri shyamba ribegereye.
Bavuga ko iki kibazo gikomeye kurushaho kuko amazu batuyemo atarageramo
amashanyarazi, bigatuma mu ijoro haba umwijima mwinshi.
Aba baturage basaba ko hakorwa
igenzura ry’ishyamba, ibiti biri hafi y’amazu bikatemwa cyangwa bigashyirwa ku
ntera itabangamira umutekano w’abaturage.
Basaba kandi ko hakongerwa ingufu
mu kubagezaho amashanyarazi, kuko kutagira umuriro w’amashanyarazi no guturana
n’ishyamba bituma bavuga ko ijoro ribagora cyane.
Abaturage bavuga ko bifuza ko ikibazo cy’ibi biti gikemurwa mu
buryo butabangamira ibidukikije, ariko hagashyirwa imbere umutekano w’abaturage
n’amazu batuyemo.
Ibindi birebe muri iyi
Video
