• Khalfan Govinda agiye gusogongeza abakunzi be EP ye yise My Way

Umuhanzi Khalfan Govinda ateganya gukora igitaramo cyo kumurika EP ye nshya yise “My Way”, igikorwa kizabera kuri Bugesera Droom Resort, mu gace ka Kanzenze hafi ya Karumuna, ku wa Gatandatu tariki ya 10 Ukwakira 2026.

Iki gitaramo cyiswe “My Way EP Listening Party”, kizaba umwanya wihariye wo kumva no kumenyera imirimo mishya y’uyu muhanzi, aho abafana bazagira amahirwe yo gutega amatwi zimwe mu ndirimbo zigize iyi EP mbere cyangwa mu gihe cyo kuyimurika ku mugaragaro.

Nk’uko Khalifan  yabitangarije  BTN Rwanda , EP  ya “My Way” igizwe n’indirimbo zitandukanye zirimo “Babiri Babiri”, “Sabine”, “My Way”, “Kino Kino” ndetse na “Wine”.

Indirimbo “Babiri Babiri” yayikoranye  n’abahanzi batandukanye barimo Davis-D, Passy Kizito, Marina, Alto, Bulldog, Okkama, Papa Cyangwe, Social Mulla na Uncle Austin, mu gihe “Sabine” yo Khalfan Govinda yayikoranye na Karambizi.

Ni  mu gihe  izo ndirimbo zose  zakozweho n’abaproducers  batandukanye bagize uruhare muri uyu mushinga, barimo Yzo, Hervis Beats, Tell Dem na Crack Beats.

Khalifan abajijwe umwihariko watumye yita Iyi EP ye My Way yagize  ati “ Mjomba uranzi bihagije ubuzima nabayemo nkiri umusore uko bwari bwifashe umuziki nakoraga  wari wihariye ariko ubu byarahindutse cyane kuko nafashe indi nzira insaba  gukora indirimbo zitanga ubutumwa kuri buri wese muri  iyi minsi

Yakomeje agira ati” ubu  hari  indirimbo ntashobora gukora cyangwa amagambo ntaririmba, ariko nanone mfite inshingano zo gukora indirimbo itera ishema njye n’umuryango wanjye. Muri make, mugiye kumva umuziki utandukanya Khalfan w’umusore n’umugabo.”

 Biteganyijwe ko igitaramo cya“My Way EP Listening Party” kizaba kuri uyu wa gatandatu tariki ya 10 Ukwakira  2026 kikazabera  kuri  Bugesera  Droom Resort  I Nyamata aho biteganyijjwe ko kizitabirwa n’abantu benshi batandukanye biganjemo ,Abahanzi ,Abanyamakuru,Abakinnyi ba Filime na abandi benshi bazaba batumiwe

 

 

Like This Post?

• Share On:

Related Posts

---