Yanditswe na: NSANZABERA Jean Paul
02/11/2026 21:35
James Swan, Intumwa yihariye y’Umunyamabanga Mukuru w’Umuryango w’Abibumbye (Loni) muri Repubulika Iharanira Demokarasi ya Congo (RDC) akaba n’Umuyobozi w’Ubutumwa bwa Loni bwo kugarura amahoro muri iki gihugu (MONUSCO), yageze i Goma ku wa Mbere, tariki ya 2 Ugushyingo 2026, aho ategerejweho kugirana ibiganiro n’abayobozi batandukanye ku bibazo by’umutekano n’iterambere ry’ibibera muri aka karere.
James Swan yakiriwe ku Kibuga Mpuzamahanga cy’Indege cya Goma n’intumwa yari ihagarariye Guverineri Bahati Musanga Erasto.
Nk’uko byatangajwe n’uwamwakiriye, uru ruzinduko rwa Swan muri Kivu ya Ruguru ruzamara iminsi itatu, rukaba rugamije kumuhuza n’abayobozi ndetse n’abandi bafatanyabikorwa kugira ngo bungurane ibitekerezo ku bibazo biri ku butaka n’izindi ngingo zifitiye impande zombi akamaro.
Mu gihe azaba ari muri Kivu ya Ruguru, biteganyijwe ko James Swan azahura na Perezida n’ubuyobozi bw’ihuriro rya Front pour la Refondation de la Nation (FRN), ndetse n’abandi bafatanyabikorwa bireba.
Ibiganiro biteganyijwe bizibanda ku kurebera hamwe uko ibintu byifashe muri aka karere, gusuzuma ibibazo bihari no kungurana ibitekerezo ku ngingo zitandukanye zihuriweho n’impande zizitabira ibiganiro.
Nubwo hataratangazwa ingingo zose zizaganirwaho, guhura kw’intumwa ya Loni n’abayobozi ndetse n’abandi bafatanyabikorwa ni umwanya wo kungurana ibitekerezo ku bibazo biri mu karere no kurebera hamwe uburyo bwo gukomeza ibiganiro.
