Yanditswe na: TUYIZERE Mubaraka
05/11/2025 10:57
Mladen Zizovic wari umutoza w'ikipe ya FK Radnicki 1923 yitabye Imana, mu mukino hagati, ubwo ikipe ye yakinaga na Mladost ,agafatwa n'umutima ariko bikarangira yitabye Imana, ibintu byabaye kucyumweru taliki ya 02/11/2025.
Uyu munya Bosnia Herzegovina w'imyaka 44 y'amavuko, yafashe n'umutima ubwo umukino wari ugeze ku munota wa 22, abaganga bagerageje gukora ubutabazi bw'ibanze, ndetse umusifuzi ahagarika umukino , kugeza uyu mutoza ajyanwe kwa muganga umukino urakomeza, hashije iminota 20 umukino wongeye gusubukurwa, nibwo muri stade hatangajwe ko umutoza Mladen Zizovic wari ujyanwe kwa muganga amaze kwitaba Imana.
Nyuma yo gutangaza urupfu rwuyu mutoza , umukino wahise uhagarara abakinnyi biyi kipe bose babaye nk'abaguye igihumure , gusa mu marira menshi basohoka mu kibuga , Zizovic yari amaze iminsi 10 gusa ari umutoza mukuru wa FK Radnicki 1923 , kuko yari yahawe akazi taliki ya 23/10/2025.
Mladen Zizovic yari amaze iminsi 10 gusa ari umutoza wa FK Radnicki 1923
Like This Post? Related Posts
