Yanditswe na: NSENGIYUMVA J Damascene
08/12/2025 18:58
Minisitiri w’Intebe, Dr. Justin Nsengiyumva yifatanyije n’abandi bakuru b’ibihugu na za guverinoma mu muhango w’irahira rya Perezida wa Côte d’Ivoire, Alassane Ouattara.
Minisitiri w’Intebe,
Dr Nsengiyumva yageze i Abidjan muri Côte d’Ivoire ku wa 07 Ukuboza 2025 aho
yakiriwe na Minisitiri w’Intebe wa Côte d’Ivoire Robert Beugré Mambé.
Yahagarariye Perezida Paul Kagame.
Alassane Ouattara yatsindiye manda ya kane yo kuyobora Côte
d’Ivoire mu matora yabaye ku wa 25 Ukwakira 2025. Yatsindiye ku majwi 89,7%.
Yari ahanganye n’abarimo Jean-Louis Billon wahoze ari Minisitiri
w’Ubucuruzi na Simone Gbagbo, umugore wa Laurent Gbagbo wayoboye Côte d’Ivoire
kuva mu 2000 kugeza mu 2011. Bose bemeye ko Ouattara yabatsinze mu matora.
Billon yagize 3% na ho Simone Gbagbo agira 2,4%.
Alassane Ouattara ayoboye Côte d’Ivoire kuva mu mu 2011.
