• U Rwanda rwatorewe kwakira Inama Mpuzamahanga ya 66 ya ICCA mu 2027

 

U Rwanda rwatorewe ku mugaragaro kwakira Inama Mpuzamahanga ya 66 ya  ICCA (International Congress and Convention Association – ICCA Congress), izaba kuva ku wa 24 kugeza ku wa 27 Ukwakira 2027, bikaba ari intambwe ikomeye isubiza iyi nama ikomeye ku mugabane wa Afurika ku nshuro ya mbere nyuma y’imyaka irenga 20.

Ikigo cy'Igihugu gishinzwe guteza imbere Ubukerarugendo bushingiye ku Nama (RCB), cyatangaje ko abayobozi n’impuguke barenga 2000 bazahurira i Kigali mu rwego rwo gusangira ubumenyi n’ibitekerezo bigamije kunoza imitegurire y’inama mu buryo budaheza ku Isi.

Kwakira inama ya  ICCA  ni ikimenyetso gikomeye cy’uko u Rwanda rukomeje kwiyubakira izina nk’igihugu cyakira inama mpuzamahanga, rushingiye ku mutekano, ibikorwa remezo bigezweho, serivisi zinoze n’ubuyobozi bufite icyerekezo.

Abateguye iyi nama bashimiye cyane abafatanyabikorwa bo mu karere bagize uruhare rukomeye mu gutuma u Rwanda rutoranywa, bashimangira ko ubufatanye bwabo ari inkingi y’ingenzi izafasha gutegura no kugera ku nama izaba intsinzi ikomeye ku Rwanda no ku rwego mpuzamahanga.

Inama ya  ICCA izaba ari amahirwe akomeye ku Rwanda yo kwamamaza igihugu ku rwego rw’isi, kongera ishoramari mu rwego rw’ubukerarugendo bushingiye ku nama, no gutanga umusanzu mu iterambere rirambye ry’ubukungu.

 

Like This Post?

• Share On:

Related Posts

---