• Angola: Ubutumwa bwa Papa Léon XIV bwakiriwe neza n’abatavuga rumwe na leta

Mu ruzinduko rwe muri Angola, Papa Léon  XIV yatanze ubutumwa bwibanze ku butabera, imiyoborere myiza n’uruhare rw’abaturage mu kubaka igihugu, bukaba bwakiriwe neza cyane n’abatavuga rumwe na leta.

Abanyapolitiki batavuga rumwe n’ubutegetsi bagaragaje ko amagambo ya Papa arimo “ubutumwa bukomeye” bushobora gufasha mu guteza imbere impinduka nziza mu miyoborere y’igihugu.

Mu mbwirwaruhame ze, Papa Léon XIV yashimangiye ko ubuyobozi bugomba gushyira imbere inyungu z’abaturage, kurwanya ruswa no kubahiriza uburenganzira bwa muntu.

Yagize ati: “Igihugu kirakomera iyo ubuyobozi bukorera abaturage, bugashyira imbere ubutabera n’ubwubahane.”

Nubwo Papa Léon XIV akomeje kugaragaza ko atari umunyapolitiki, amagambo ye akenshi agira ingaruka zikomeye mu rwego rwa politiki, cyane cyane mu bihugu biri mu nzira y’amajyambere.

Abasesenguzi bavuga ko ubutumwa bwe bushobora kongera igitutu ku bayobozi kugira ngo barusheho kunoza imiyoborere no gukemura ibibazo by’abaturage.

Uru ruzinduko rwa Papa  Léon  XIV muri Afurika rukomeje kwibanda ku nsanganyamatsiko z’amahoro, ubwiyunge, ubutabera n’iterambere rirambye.

Muri Angola, ubutumwa bwe bwakiriwe nk’ubushishikariza abaturage n’abayobozi gukorera hamwe mu kubaka ejo hazaza heza.

 

Like This Post?

• Share On:

Related Posts

---