• Polisi mu ntara y’amajyepfo yafashe abakekwaho gucuruza inzoga z’ibyuma rwihishwa - Video

Polisi y’u Rwanda mu Ntara y’Amajyepfo iravuga ko, nubwo hashyizweho ingamba zo gukumira no guca ibinyobwa bitujuje ubuziranenge, hari bamwe bagikomeje kubicuruza rwihishwa.

Polisi ivuga ko bamwe mu bacuruzi b’ibi binyobwa bakomeje kubikora mu buryo bw’ibanga, ahanini bakabigeza ku bantu babikeneye hirya no hino mu bice bitandukanye by’Intara y’Amajyepfo.

Muri iki gikorwa cyo gukurikirana abacyekwaho gucuruza ibinyobwa bitujuje ubuziranenge, Polisi ivuga ko hamaze gufatwa abantu bane bo mu Mirenge ya Tumba na Ngoma, mu Karere ka Huye.

Aba bantu bakekwaho kuba baracuruzaga tunel, umuti ukunze gukoreshwa mu irangi ariko aba bana baba ku mihanda bakaba bakunze kuwukoresha nk’ikiyobyabwenge.

Polisi ivuga ko kuba ibi binyobwa bikomeje kugera ku bana ari ikibazo gikomeye, kuko bishobora kugira ingaruka ku buzima bwabo no ku mibereho yabo muri rusange.

Abana bo mu muhanda ni bamwe mu bakunze kuba mu kaga ko kwishora mu bikorwa bibangiriza ubuzima, birimo gukoresha ibiyobyabwenge n’ibindi binyobwa bitemewe. Kuba hari ababacururizamo ibinyobwa nk’ibi kandi bakabaha amahirwe yo kubibona, bishobora kongera ibibazo bahura na byo.

Polisi y’u Rwanda ivuga ko ibikorwa byo gushakisha no gufata abantu bakomeje gucuruza ibinyobwa bitujuje ubuziranenge bizakomeza, ndetse ikanibutsa abaturage kugira uruhare mu kubirwanya.

Abaturage barasabwa gutanga amakuru ku bantu bakekwaho gukora ubucuruzi bw’ibi binyobwa mu buryo butemewe, kugira ngo inzego zibishinzwe zibakurikirane.

Polisi kandi iributsa abacuruzi ko ubucuruzi bw’ibinyobwa bitujuje ubuziranenge bushobora kugira ingaruka zikomeye ku buzima bw’ababinywa, bityo ko bakwiye kubahiriza amabwiriza agenga ubucuruzi n’umutekano w’ibicuruzwa.

Ibindi birebe muri iyi Video

Like This Post?

• Share On:

Related Posts

---