• Jacob Zuma wahoze ari Perezida wa Afurika y’Epfo ari mu bitaro.

Perezida wa Afurika y’Epfo Cyril Ramaphosa, yatangaje ku wa Gatanu ko uwahoze ari Perezida w’iki gihugu, Jacob Zuma yayanywe mu bitaro

Ramaphosa yatangarije igitangazamakuru cya Leta cya SABC, ati: “Perezida Jacob Zuma yajyanywe kwa muganga nyuma y’uko ubuzima bwe butari umeze neza ariko ubu ari kwitawaho n’abaganga

Ramaphosa  yakomeje agira ati: “Tumwifurije gukira vuba, turizera ko azasubirana imbaraga, agakira kandi agakomeza gukorera abaturage ba Afurika y’Epfo mu buryo ubwo ari bwo bwose bushoboka.”

Ibinyamakuru bitandukanye byo muri Afurika y’Epfo byatangaje ko ku wa Gatatu Jacob Zuma yajyanywe mu modoka itwara abarwayi (ambulance) ku ivuriro riri mu mujyi wa Pietermaritzburg, mu burasirazuba bw’icyo gihugu.

Jacob Zuma, uyobora ishyaka rya MK, yari ategerejweho kugira uruhare rukomeye mu myiteguro yo gutangiza gahunda y’ishyaka ijyanye n’amatora, mu mujyi wa Mbombela.

Nubwo abayobozi b’ishyaka rye batangaje ko ari gukorerwa isuzuma risanzwe ry’ubuzima kandi ko ameze neza mu byiyumvo, kugeza ubu ntiharamenyekana niba azitabira ibikorwa byo kwiyamamaza biteganyijwe mu minsi iri imbere.

Muri ibyo bikorwa harimo igikorwa cyo kwiyamamaza giteganyijwe mu gace ka Mtooba ku wa 18 Ukwakira.

Zuma ni umwe mu bantu bakomeye bagaragara mu bikorwa by’ishyaka rya MK, kandi kwitabira kwe ibikorwa byo kwiyamamaza bikomeje gukurikiranwa cyane uko amatora y’inzego z’ibanze agenda yegereza.

 

Like This Post?

• Share On:

Related Posts

---