• Butera Knowless yatumiwe nk’umuhanzi mukuru mu gitaramo ‘Improper Access’

Umuhanzikazi nyarwanda Butera Knowless yatumiwe nk’umuhanzi mukuru uzaririmba mu gitaramo ‘Improper Access’, giteganyijwe kubera i Kigali ku wa 31 Ukwakira 2026, muri Camp Kigali.

Iki gitaramo kigiye kuba ku nshuro ya gatatu, gitegurwa na kompanyi ya Blackout.inc, kikaba kigamije guhuza abahanzi, aba-DJ n’abakunzi b’umuziki mu rwego rwo guteza imbere imyidagaduro no guha abantu umwanya wo kwishimira ibihangano bitandukanye.

Nk’uko byatangajwe n’itangazamakuru, Knowless ni we watangajwe nk’umuhanzi mukuru muri iri serukiramuco ry’umuziki, mu gihe urutonde rw’abandi bahanzi bazafatanya na we gususurutsa abazitabira icyo gitaramo rutaratangazwa.

Mu butumwa yatanze ku bijyanye n’iki gitaramo, Butera Knowless yatangaje ko imyiteguro igeze kure, asaba abakunzi be kwitegura kuzitabira igitaramo kirimo ibyishimo n’umuziki.

Yagize ati: “Natumiwe nk’umuhanzi mukuru muri iki gitaramo kigiye kuba ku nshuro ya gatatu. Imyiteguro igeze kure. Abakunzi bitegure kugira ibihe byiza, byuzuye ibyishimo.”

Aya magambo agaragaza ko uyu muhanzikazi yiteguye gusangira n’abakunzi be ibihe byiza binyuze mu muziki we, mu gitaramo giteganyijwe kubera mu Mujyi wa Kigali.

Knowless ni umwe mu bahanzi b’abanyarwanda bamaze igihe mu muziki, akaba azwi mu ndirimbo zitandukanye zakunzwe n’abatari bake.

 ‘Improper Access’ ni igitaramo cyatangiye kumenyekana mu 2024, kikaba gihuza abahanzi n’aba-DJ kugira ngo bakorere hamwe mu gususurutsa abakunzi b’umuziki.

Kuba kigiye kuba ku nshuro ya gatatu bigaragaza ko abategura iki gikorwa bakomeje kugishyira mu bikorwa, bagamije guha abakunzi b’umuziki amahirwe yo kwidagadura no guhura n’abahanzi bakunda.

Igitaramo cy’uyu mwaka kizaba ku wa 31 Ukwakira 2026, muri Camp Kigali. Abategura iki gikorwa bamaze gutangaza Knowless nk’umuhanzi mukuru, mu gihe amakuru arambuye ku bandi bazaririmba ategerejwe.

Uretse imyiteguro y’iki gitaramo, Butera Knowless ari no mu bahanzi bahataniye ibihembo bya Zikomo Africa Caribbean Awards 2026, aho indirimbo ye yitwa ‘Ntacyo’ ihatanye mu cyiciro cy’indirimbo ifite amashusho meza y’umwaka.

Ibi ni bimwe mu bikorwa uyu muhanzikazi akomeje kwitabira mu rugendo rwe rwa muzika, haba mu bitaramo no mu marushanwa agamije kumenyekanisha ibihangano by’abahanzi.

Abakunzi be bazaba bafite amahirwe yo kumubona aririmba imbonankubone mu gitaramo ‘Improper Access’, giteganyijwe kubera muri Camp Kigali ku tariki ya 31 Ukwakira 2026

Like This Post?

• Share On:

Related Posts

---