• Filime “Minus 1” ya Habibu Iragena yatoranyijwe mu marushanwa ya Mashariki African Film Festival 2026

 

 

Filime y’uruhererekane “Minus 1”, yakozwe na Habibu Iragena, yatoranyijwe mu cyiciro cya TV na Web Series mu iserukiramuco rya Mashariki African Film Festival 2026.

Ibi ni indi ntambwe mu rugendo rwa sinema nyarwanda, by’umwihariko ku bakora filime z’uruhererekane zigamije kugera ku bakunzi ba sinema mu Rwanda no hanze yarwo.

Mashariki African Film Festival ni iserukiramuco mpuzamahanga rya sinema ribera i Kigali, rigamije guteza imbere impano z’abakora filime bo muri Afurika no muri diaspora nyafurika. Mu byiciro byaryo harimo filime ndende, izigufi, documentaire ndetse na filime z’uruhererekane za televiziyo n’imbuga nkoranyambaga.

Nk’uko amakuru y’iserukiramuco abitangaza, ku nshuro ya 12 rizaba kuva ku wa 23 kugeza ku wa 29 Ugushyingo 2026.

Gutoranywa kwayo bishobora gufasha kumenyekanisha ibikorwa bya Habibu Iragena no kurushaho kwagura amarembo ya sinema nyarwanda ku rwego mpuzamahanga.

Mu kiganiro  na  Iragena  Habibu wanditse Filime Minus 1 yatangaje ko gutoranywa kwa Filime  ye Minus 1 ari ibintu bidasanzwe kuri we .

Yagize ati “ ni ibintu  bidasanzwe cyane muri Sinema nyarwanda  kuba umuntu yakora igihangano bwa mbere mu buzima nta byamamare bigaragayemoariko kikakirwa  muri ubu buryo kugeza aho gutoranywa muri filime zahata mu iserukiramuco nkiri ni ibyihsimo bikomeye  kandi byatwongereye imbaraga zo gukora cyane  kuko bitugaragariza ko ni zindi tuzakora zishobora  no kugera ku rwego mpuzamahanga

Tumubajije uko umushinga w’iyi Filime uteye yatubwiye  ko ubu bamaze gusohora uduce 3 ariko mu minsi ya vuba bazashyira  hanze utundi 3 kuko igice cyayo cya  mbere kigomba kugira  uduce  6 .

Habibu kandi yaduhamirije ko nyuma y’ibyo bazakora igice cyayo cya kabiri kubera ko abakunzi ba sinema bakomeje kubazaba ko yazakomeza  kubera  ubuhanga iteguranye .

Mu gusoza  Iragena Habibu yavuze ko  igihe ari iki  ngo sinema nyarwanda  ive ku rwego rumwe  ije ku rundi ko abakora mu ruganda rwa Sinema nyarwanda bashoboye ,yanaboneyeho gusab abakunzi b’ibikorwa bye  gukomeza kumushyigikira kuko ari kubategurira filime ziri ku rwego mpuzamahanga kandi  nziza

 

 

Like This Post?

• Share On:

Related Posts

---