Yanditswe na: NSANZABERA Jean Paul
31/10/2026 20:16
Abanyarwenya 11 bakunzwe n’abatari bake mu
Rwanda bagiye guhurira mu gitaramo gikomeye cyiswe ‘IWACU Comedy Show’,
kizabera muri Palast Rock Hotel i Nyamata, mu Karere ka Bugesera.
Iki gitaramo
giteganyijwe ku wa Gatanu, tariki ya 6 Ugushyingo 2026, guhera saa kumi
n’ebyiri z’umugoroba (18h00), kikaba kigamije guha abakunzi b’urwenya umwanya
wo kwidagadura, guseka no kwishimira impano z’abanyarwenya nyarwanda.
Iki gitaramo
kiri gutegurwa na Bloom & Bond ku bufatanye na Lion Dreams, kikazayoborwa
na Seth Seka uzaba ari na we ugikurikiranira hafi nk’umushyushyarugamba.
Mu
banyarwenya bazasusurutsa abazitabira iki gitaramo harimo Seth Seka, Joshua,
Umushumba, Pirate, Muhinde, Rumi, Kabudu, Mitsi, Luck Baby, Inkiritito Clement
na Rufendeke bazaba baherekejwe na Nyabitanga na Mitsi
Abategura
iki gitaramo bavuga ko ari umwanya mwiza wo guhura n’abakunzi b’urwenya, kwishimana
no gushyigikira impano z’abasetsa, cyane cyane abakora umwuga wo gusetsa mu
Rwanda.
Ku bijyanye
n’amafaranga yo kwinjira, itike isanzwe (Regular) ni 5,000 Frw, VIP ikaba 10,000
Frw, mu gihe VVIP ari 15,000 Frw.
Iki gitaramo
cya IWACU Comedy Show ni amahirwe ku bakunzi b’urwenya yo kumara umugoroba
wihariye basangira ibyishimo n’abanyarwenya batandukanye, muri Palast Rock
Hotel i Nyamata.
