• Bugesera: Niyigaba yashenguwe n'uko yishe se nyina akamucika

Ku gicamunsi cyo ku wa 21 Mata 2026 nibwo umusore witwa Niyigaba Alexandre yishe se witwa Mbarubucyeye Alexandre wari ufite imyaka 62y'ubukuru, ubwe yiyemereye ko yamwishe amutemesheje umuhoro ku gikanu no mu nkokora aho ngo yamusanze aho yarimo kubariza imbaho mu rugo hanyuma ngo amaraso ayaharuza isuka ayamena mu bwiherero.

Mu makuru uyu wakoze amahano ubwe yatanze yavuze ko yabikoze bari mu rugo bo nyine saa cyenda z'amanywa yamara kumwica agatemberera muri santere ka Gasenyi nyuma ngo akaza kumenya ko umugore wa nyakwigendera ari nawe nyina witwa Mukashyaka Ancilla 57 ageze mu rugo agahita ajya kumwica nawe akamwirukankana afite ifuni ariko bikarangira amucitse.

Hari bamwe bavuga ko uyu musore yari asanzwe agira ikibazo cyo mu mutwe ndetse ko ngo yigeze no kujyanwa kwa muganga i Ndera akamarayo iminsi akagarurwa babona yarorohewe.

Abajijwe icyabimuteye yasubije ko we icyamubabaje ari uko atabashije kwica na nyina.

NTUCIKWE N'IYI NKURU MU MAKURU YACU YA SAA 21H00

Like This Post?

• Share On:

Related Posts

---