• Inzabo za EAC zatangiye imyitozo ya Ushirikiano Imara 2026

Umunyamabanga Mukuru Wungirije w’Umuryango wa Afurika y’Iburasirazuba (EAC), Andrea Aguer Ariik Malueth, afatanyije n’Umugaba Mukuru Wungirije w’Ingabo za Kenya, Lt Gen John Mugaravai Omenda, hamwe n’abandi bayobozi bakuru barimo Ambasaderi w’u Rwanda muri Kenya, Ernest Rwamucyo, uyu munsi bayoboye umuhango wo gutangiza imyitozo ibaye ku nshuro ya 14 y’ingabo z'Umuryango wa Afurika y' Iburasirazuba yiswe USHIRIKIANO IMARA 2026. Igikorwa  cyabereye mu cyanya cy'imikino Ulinzi,  Langata i Nairobi muri Kenya.

Mu ijambo rye yagejeje ku basirikare b’ibihugu bigize EAC ndetse n’abafatanyabikorwa batandukanye, Lt Gen John Mugaravai Omenda yavuze ko iyi myitozo izafasha kongera ubushobozi bw’akarere mu guhangana n’ibibazo by’umutekano bibangamiye akarere ndetse n’umugabane wa Afurika muri rusange, birimo iterabwoba, ubushimusi bw' amato ndetse n'ubundi bugizi bwa nabi mu nyanja, no guhangana n’ibiza.

Iyi myitozo iteganijwe  kuva ku wa 6 kugeza ku wa 28 Gicurasi 2026, yahuje abitabiriye 342 baturutse mu Rwanda, Kenya, u Burundi, Uganda na Tanzania, mu gihe Somalia yitabiriye nk’indorerezi.

 

 

 

Like This Post?

• Share On:

Related Posts

---